Am Rousendall hannert de 7 Internetzer

Move your whiskey before you start shooting

Max — Fri, 11 Jun 2010 08:53:43 +0000

D’Recht Waffen ze droen ass an Amerika duerch d’zweet Amendement gesëchert. Schrëftsteller wëssen dat ze schätzen.

“Keep Surfing”

housicker — Mon, 07 Jun 2010 07:44:43 +0000

Hei ee klengen Trailer vun enger Dokumentatioun iwert d’surfen am Eisbach zu München. Keep surfing…

Ech gi Gas!

housicker — Thu, 03 Jun 2010 09:36:43 +0000

Ok, erëm ee Video, dee gedréint ginn ass mat enger Canon Eos 5DII. Däer ginn et der ëmmer méi a soulues huet ee sëch un déi grandios Qualitéit gewinnt. Mee bei desem Video ass méi hannendrun. Den Tim an Nick Hahne hunn et fäerdeg bruecht déi ganz speziell Ambiance vum 24h Rennen op der Nordschleife anzefenken. Ech krut Gänsehaut….

Fir déi Leit, déi kee Benzin am Blut hunn, gëtt et hei och nach ee ganz interessante Projet, den Ferdinand GT3 RS. Dëst soll éischter eng Gedankenunreegung sinn op daat Thema vun der Geschwindegkeetsverherrlechung (waat e Wuert).

Web [x.0]

Max — Wed, 02 Jun 2010 11:28:18 +0000

E Video vum Kate Ray iwwert d’semantescht Netz. Verschiddener nennen et Web 3.0…

FFYS 2010

Max — Thu, 27 May 2010 11:39:23 +0000

Den Daniel Carneiro (@n0brein) huet e puer Szenen op dem zimmlech erfollegräiche Festival vum läschte Weekend zu Tënten zesummegeschnidden. De Video huet Guitare, Landschaft a frou Jugendlecher, eng liewensbejoend Kombinatioun also. A wann ee schon um Site ass kann ee sech och séng rechtlech Projet’en ukucken z.b. KulturCaching…

Wou ass en dann?

housicker — Wed, 19 May 2010 09:46:25 +0000

Improv Everywhere, eng New Yorker Kenschtler Grupp déi bekannt gin ass mat urbanen Interventiounen wei zb. den “Flashmob” an der Central Station, huet en Expériment duerchgefeiert waat psychologesch an soziologesch ganz interessant ass.

Locationscouting zu New York

Max — Tue, 18 May 2010 21:29:32 +0000

Ech si Moies gären enzwouch aanescht. Also wann ech iesse Moies, dann hunn ech gären dat Gefill an der Vakanz ze sinn. New York zum Beispill. Well, ech war nach nie zu New York. Dat heescht nach nët a Persoun. Am Kapp war ech schon oft do. Mat Seinfeld, mat How I met your mother, ganz oft mam Woody mee och virtuell mat GTA IV (hei iwwregens e verdammt gäilen Artikel zu Liberty City). Ech hunn e Bild vun New York opgebaut iwwer Photoe, Filmer a Videospiller. Leit déi dodrun nët onschëlleg sinn nennt ee Locationscouter. Leit also déi de ganzen Dag ronderem ginn a Platze sichen. Platzen déi passe fir déi an déi Szen. Ech kéint mer duerchaus firstellen dat als Beruff ze maachen. Hunn ech och eng Zäitchen. A bis elo schwätzt nach näischt dogéint. Dofir hei mol Lost City. Dee mëcht dat.

Och ganz fäin:

http://dinosnycpics.com/

http://vanishingnewyork.blogspot.com/

Ech war nach nie zu LA

Max — Tue, 18 May 2010 20:26:25 +0000

Anscheinend hätt LA lauter breed Stroossen. Anscheinend wir dat op der ganzer Küst esou. Bon ech weess et nët well, wi gesot, ech war nach nie do. Mee ech hu Photoe gesinn. Zum Beispill op dësem wonnerschéine Blog vum David Yoon. Hien ass Urban Planning Geek. Sou wéi ëch. Ech sinn dat nämlëch och. Kee liest fräiwëlleg Urbanismus-Bicher, sëcher nët. Ausserdeem do ze fanne sinn e puer Doku’en iwwert d’Thema. Wa mer schon derbäi sinn…

Bried II

Max — Tue, 18 May 2010 20:16:13 +0000

Gudde Kolleege weist een eng Skate-Doku, oder zwou. Dowéinst hei fir d’éicht eppes mat kalifornësche Pools. No dem Immobilie-Boom an der Rezessioun stinn eng Rëtsch Haiser – adequat bepoolt – eidel a waarden dorop dass d’Natur sëch hierer bedingt. A well Skater jo och en Deel vun der Natur sinn iwwerhuelen déi d’Auspompelen, d’Botzen a praktëscherweis och d’Dokumentéiere vum Skaten. Ma Merci!

Zréck op de Kontinent an zwar op Hannover. Den eegene Skatepark ass just e puer Liter Waasser an e bësse Beton wäit eweg. Nee wierklëch. Bau e Skatepark, pflanz e Rail an zeeg e Kicker.

De Projet leeft nach ëmmer weider. Hei hire Blog. An domadder si mër raus fir haut.

Rousendall

housicker — Tue, 18 May 2010 17:45:04 +0000

Dëse Video, eng Skate-Dokumentatioun vun 1976, mam Numm “Magic Rolling Board”, huet alles waat ee wärt op dësem Blog gesinn.